हेटौंडा । नेपाल पत्रकार महासंघको स्थापना दिवसको अवसरमा आज हेटौंडामा प्रभातफेरी कार्यक्रम गरिएको छ ।

महासंघको ६७ औं स्थापना दिवसको अवसरमा हेटौंडाको सीमाचोकबाट सुरु भएको प्रभातफेरी बुद्धचोक, चेम्बरमार्गहुँदै पुनः बुद्धचोकमा आएर कोण सभामा परिणत भएको थियो । बुद्धचोकमा भएको सभालाई सम्बोधन गर्दै नेपाल पत्रकार महासंघ मकवानपुर शाखाका अध्यक्ष मणिराज गौतमले समाचार लेखेकै कारण अझै पनि पत्रकारले धम्की सहन बाध्य रहेको बताए ।

प्रभातफेरी कार्यक्रममा नेपाल पत्रकार महासंघ प्रदेश तथा जिल्ला शाखाका पूर्व पदाधिकारी तथा सञ्चारकर्मीहरुको उपस्थिति रहेको थियो ।