काठमाडौं । नेकपा माओवादी केन्द्रले उपाध्यक्षमा दुईजनालाई मनोनीत गरेको छ ।

हालै सम्पन्न स्थायी समिति बैठकले पूर्वसभामुख अग्नि सापकोटा र पम्फा भुसाललाई उपाध्यक्ष बनाएको महासचिव देव गुरुङले  जानकारी दिए । पम्फा यसअघि उपमहासचिव थिइन् ।

माओवादीमा कृष्णबहादुर महरामात्र उपाध्यक्ष रहेकोमा पार्टीमा अब तीनजना उपाध्यक्ष भएका छन् ।

स्थायी समितिले पदाधिकारी, स्थायी समिति, केन्द्रीय समिति र वैकल्पिक केन्द्रीय समिति पनि टुंग्याएको छ ।

जस अनुसार पदाधिकारी २२, स्थायी समिति ४४ जना, केन्द्रीय समिति ३८६, वैकल्पिक केन्द्रीय समिति २०२ जनाको बनेको बताइएको छ ।