हेटौंडा । हेटौंडा १६ स्थित जनप्रिय माध्यमिक विद्यालय व्यवस्थापन समितिका सदस्य कृष्णप्रसाद पनेरुले आफ्नो जन्मदिनमा जनप्रियका १५ जना विद्यार्थीलाई छात्रवृत्ति प्रदान गरेका छन् ।
३९ वर्ष पार गरी ४० वर्षमा प्रवेश गरेका पनेरुले कक्षा ६ देखि १० सम्म अध्ययनरत १५ जना विद्यार्थीलाई छात्रवृत्ति प्रदान गरेका हुन् । शिक्षाबाट कोही पनि वञ्चित हुन नपरोस् र बिद्यार्थीको मनोबल उच्च बनाउने उद्देश्यले पनेरुले व्यक्तिगत ५५ हजार ३७० रुपैयाँको छात्रवृत्ति प्रदान गरेका हुन । उनी जनप्रिय माध्यमिक विद्यालयका पूर्व विद्यार्थी एवं विद्यालय व्यवस्थापन व्यवस्थापन समिति सदस्य पनि छन ।
यस वर्ष ७ जना टुहुरा विद्यार्थी (आफ्ना आमा बुबा नभएको), जेहेन्दार ४ जना र गरिब ४ जना विद्यार्थीलाई छात्रवृत्ति प्रदान गरेको उनले बताए । उनले गत वर्ष १० जना विद्यार्थीलाई छात्रवृत्ति प्रदान गरेका थिए ।
अन्यत्र क्षेत्रमा हुने खर्चलाई कटौती गर्दै विद्यार्थीको भविष्यको लागि आफूले विगत वर्षदेखिबाट छात्रवृत्ति प्रदान गर्दै आइरहेको उनको भनाइ रहेको थियो । पनेरुले छात्रवृत्तिको रकम विद्यालयका प्रधानाध्यापक भुपेन्द्र चौलागाईँलाई चेक हस्तान्तरण गरेका थिए ।
प्रतिक्रिया दिनुहोस्